Türkmenistanyň Tebigaty Goramak Jemgyýeti bilen Konrad Adenauer adyndaky German gaznasynyň arasyndaky hyzmatdaşlygyň geljegi

9-njy aprelde Aşgabatda Türkmenistanyň Tebigaty Goramak Jemgyýeti (TTGJ), Tebigy Kuwwat jemgyýetçilik birleşiginiň kärhanasy we we Merkezi Aziýadaky Konrad Adenauer adyndaky Germaniýa Gaznasy tarapyndan bilelikde guralan «Global howanyň üýtgemegi şertlerinde Merkezi Aziýada daşky gurşaw meseleleri» atly jemleýji maslahat geçirildi.

Birinjisi Türkmenabatda geçirildi, oňa döwlet edaralaryndan, Lebap welaýatynyň we Türkmenabat şäheriniň häkimliklerden, welaýatdaky döwlet tebigat goraghanalaryndan, jemgyýetçilik guramalaryndan we TTGJ-iň agzalary jemi 25 wekili gatnaşdy.

Aşgabat maslahatyna daşky gurşaw guramalarynyň, halkara taslamalaryň, jemgyýetçilik guramalarynyň we habar beriş serişdeleriniň 20 wekili gatnaşdy.

«Türkmenistanyň tebigatyny goramak jemgyýeti» jemgyýetçilik guramasynyň başlygy Serdar Allekow we Merkezi Aziýadaky Konrad Adenauer adyndaky Gaznasynyň Sebitleýin Ygtyýarly wekili jenap Andre Algermissen çärä gatnaşyjylara gutlag sözi bilen ýüzlendiler. Maslahatyň myhmanlaryna gatnaşmaga wagtlary üçin minnetdarlyk bildirdiler we işlerinde üstünlik arzuw etdiler. Tebigaty goramak, hususan-da Merkezi Aziýa sebitindäki daşky gurşawyň ýagdaýyny gowulaşdyrmak, Merkezi Aziýa ýurtlarynyň bilim edaralarynda daşky gurşaw biliminiň derejesini ýokarlandyrmak, raýatlaryň arasynda daşky gurşawy habardar etmek we ösdürmek we raýatlary ekologiýa taýdan möhüm kararlar kabul etmek bilen baglanyşykly taslamalary durmuşa geçirmek üçin bilelikdäki çäreleri görmekde möhümdigini bellediler.

Jenap Algermissen «Global howanyň üýtgemegi kontekstinde daşky gurşaw meselelerini çözmekde Germaniýanyň roly» atly çykyşynda Germaniýada kabul edilen howany goramak baradaky kanunyň esasy maksadynyň 2045-nji ýyla çenli Germaniýanyň howasyny bitarap etmekdigini aýtdy. Şonuň üçin gepleşiklere gatnaşmak, tejribe alyşmak we mümkin bolan çözgütleri ara alyp maslahatlaşmak möhümdir.

Ondan soň, «Tebigy Kuwwat» JBK-nyň direktory Berkeli Ataýewiň global ýylylygyň daşky gurşawa ýetirýän täsiri we olary azaltmak üçin zerur çäreler barada çykyş etdi we TTGJ-niň işgäri Merdan Arazmedow, jemgyýetiň howanyň üýtgemegine uýgunlaşmak ugrundaky işleri barada çykyş etdi.

Maslahat, «Türkmenistanyň tebigatyny goramak jemgyýeti» jemgyýetçilik guramasy bilen Merkezi Aziýadaky Konrad Adenauer adyndaky Gaznanyň arasynda düşünişmek we hyzmatdaşlyk Ähtnamana gol çekmek bilen tamamlandy. Taraplar birek-birege hormat goýmagyň nyşany hökmünde gymmatly kitaplar alyşdylar: «Hyzmatdaşlyk köprüleri gurmak: Merkezi Aziýadaky Konrad Adenauer adyndaky Gaznasynyň 30 ýyllygy» we 2 tomdan ybarat «Türkmenistanyň Gyzyl kitaby» türkmen, iňlis we rus dillerinde.

4 günlük resmi saparynyň çäginde Merkezi Aziýadaky Konrad Adenauer adyndaky Gaznanyň wekiliýeti birnäçe ministrlikleriň we döwlet guramalaryň wekilleri bilen duşuşyklar geçirdi.

MAGLUMAT ÜÇIN: 2023-nji ýylyň aprelinde Merkezi Aziýadaky Konrad Adenauer adyndaky Gaznasynyň delegasiýasy, şol döwürde jenap Ronni Heýniň ýolbaşçylygyndaky Merkezi Aziýa üçin Konrad Adenauer adyndaky Gaznasynyň Sebitleýin Ygtyýarly Wekili resmi sapar bilen Türkmenistana bardy. Şeýle hem, sapar wagtynda delegasiýa käbir ministrlikleriniň we döwlet guramalaryň wekilleri bilen duşuşdy we Türkmenistanda bolmagynyň ahyrynda «Tebigy Kuwwat» JBK-sy bilen bilelikde Aşgabatda jemgyýetçilik guramalarynyň wekilleri bilen maslahat guraldy.

Berkeli Ataýew.