Türkmenistanyň hünärmenleri Bişkekde geçirilen klimat seminaryna gatnaşdylar

Çap edilen senesi: 25 September 2024 / Görüşler: 243

22-nji sentýabrda Ýewropadaky Howpsuzlyk we Hyzmatdaşlyk Guramasy (ÝHHG) Gyrgyzys Respublikasynyň Bişkek şäherinde “Merkezi Aziýanyň daglyk ýerlerinde durnukly ýaşaýyş we howanyň durnuklylygyny ýokarlandyrmak” atly sebitleýin maslahat geçirdi, oňa Merkezi Aziýanyň 5 ýurdunyň wekilleri, şol sanda Türkmenistandan gatnaşdylar: Berkeli Ataýew, “Tebigy Kuwwat” jemgyýetçilik guramasynyň kärhanasynyň başlygy – Türkmenistanyň Orhus Merkeziniň wekili, Seýitguly Owlýagulyýew, Türkmenistanyň Senagatçylar we Telekeçiler Bileleşiginiň Azyk Önümçilik Bölüminiň başlygy we Aýgül Orazowa “Standart Hyzmat” Hususy kärhanasynyň başlygy.

Maslahatda Howanyň üýtgemegi boýunça geňeşçi, ÝHHG-nyň Ykdysady we daşky gurşaw çäreleriniň utgaşdyryjysynyň edarasy (OCEEA) Patrisiýa Albreht we Gyrgyz Respublikasynyň Tebigy baýlyklar, ekologiýa we tehniki gözegçilik ministrliginiň Howa syýasaty bölüminiň başlygy Aizada Bariýewa gatnaşyjylara hoşallyk sözleri bilen ýüzlendiler.

Ondan soň, Ellen Baltzar Mossop ÝHHG-nyň OCEEA-nyň Howa üýtgemegi boýunça geňeşçisi we Rakel Munayer “Adelfi” şirketiniň geňeşçisi “Daglyk we pes daglarda howanyň üýtgemegi bilen baglanyşykly howpsuzlyk kynçylyklary – ÝHHG-nyň howanyň üýtgemegi we howpsuzlyk taslamasynyň netijeleri” mowzugynda prezentasiýalary bilen çykyş etdiler.

Maslahata gatnaşyjylar toparlarda işlediler we bu meseläni çözmek baradaky garaýyşlaryny, şeýle hem töwekgelçilikleri azaltmak we oba hojalygyny we azyk howpsuzlygyny durnukly ösdürmek ugrunda hyzmatdaşlygy mümkin çäreleri ara alyp maslahatlaşdylar we öz garaýşlary bilen çykyş etdiler. Çäräniň ahyrynda, gurnaýjylar we gatnaşyjylar bu mowzuk boýunça indiki ädimler barada pikir alyşmagy makul bildiler.

Berkeli Ataýew.